Կյանքից հեռացել է Արա Խանջյանը
Ցավով տեղեկացնում ենք, որ այսօր մեզնից հեռացավ Արա Խանջյանը, սիրելի մարդ, աննկարագրելի խորը մարդ, գիտակ, լուռ, համեստ, անպաթոս մարդ, ազատ մարդ ու մարդ ընդհանրապես։ Այս մասին հայտնում են Հայաստանի Կինոգործիչների միությունից։
«Արայի անսպասելի կորուստը մեծ կորուստ էր հայ կինոյի, հայ մշակույթի համար։
Մեծ կորուստ էր մարդկանց երկրի համար։
Արան նվիրյալ մարդ էր։ Նվիրյալ գործին, ընտանիքին, ընկերներին, սիրելի երկրին։
Հոգիդ լույսերի մեջ, սիրելի Արա Խանջյան
Հոգեհանգիստը տեղի կունենա Կոնդի Ս.Հովհաննես եկեղեցում, վաղը, կիրակի, օգոստոսի 24-ին, ժամը 18:00-ին, հուղարկավորությունը` երկուշաբթի, ժամը 12:30-ին, նույն տեղից»
