Արմավիրում հրդեհ է բռնկվել վերամբարձ կռունկում
Այսօր՝ օգոստոսի 19-ին, արտակարգ դեպք է տեղի ունեցել Արմավիրի մարզում: Ինչպես հայտնում է Shamshyan.com-ը, ժամը 11:20-ի սահմաններում ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Բաղրամյան խոշորացված համայնքի Քարակերտ բնակավայրի գազալցակայանի հարևանությամբ ավտոմեքենա է այրվում:
Դեպքի վայր են ժամանել Արմավիրի և Բաղրամյանի հրշեջ-փրկարարական ջոկատիներից 1-ական մարտական հաշվարկ:
Մինչ հրշեջների ժամանումը՝ վերամբարձ կռունկում առաջացած կրակի տարածման դեմ պայքարել են վարորդը՝ Արմավիրի մարզի բնակիչ 67-ամյա Խաչիկ Ռ.-ն, գազալցակայանի աշխատակիցները, ապա ժամանած հրշեջները:
Ըստ նախնական տեղեկությունների՝ տուժածներ չկան:
Դեպք փաստով ոստիկանության Բաղրամյանի բաժնում փաստաթղթեր են կազմվում, որտեղ էլ պարզվում է՝ թե ինչ հանգամանքներում է հրդեհ բռնկվել:
