Ռյազանի մարզում սգո օր է․ վառոդի արտադրամասում պայթյունի հետևանքով զոհերի թիվը հասել է 20-ի
Ռուսաստանի Ռյազանի մարզի Շիլովսկի շրջանի ձեռնարկություններից մեկում օգոստոսի 15-ին տեղի ունեցած արտակարգ պատահարի հետևանքով զոհերի թիվը հասել է 20-ի, 134-ը վիրավորվել են:
Այս մասին հայտնում է ՏԱՍՍ լրատվական գործակալությունը:
Վառոդի արտադրամասում տեղի ունեցած պայթյունի ետևանքով վնասվածքներ ստացած 31 մարդ հոսպիտալացվել է, 103-ը ամբուլատոր բուժում է ստանում։
Ինչպես հաղորդում է RT-ն, Ռյազանի նահանգապետ Պավել Մալկովը հայտարարել է, որ Շիլովսկի շրջանի ձեռնարկությունում հրդեհի հետևանքով մեծաթիվ զոհերի և վիրավորների դեպքի առնչությամբ Ռյազանի մարզում օգոստոսի 18-ը հայտարարվում է սգո օր։
