Տղե՛րք, իսկ ձեր էդ մերժման տակ ի՞նչ կա. էդ ի՞նչ գարանտիա եք ուզում, ինչի՞ եք ինձ «խփում». Արմեն Աշոտյան
«Իշխանությունը գնալով դառնում է էլ ավելի անբարո, իշխանությունն՝ էլ ավելի անմրցունակ: ՀՀԿ-ն իր վրա պատասխանատվություն է վերցրել՝ գնալու Նիկոլին անվստահություն հայտնելու ճանապարհով…Ուիզում եմ կարծել, որ մեր ներընդդիմադիր հարաբերութունները վերականգնելի են: Եթե ընդդիմությունը իր մեջ չպահի կարմիր գծերը, ումի՞ց ի՞նչ եք ուզում»,- «Պրեսսինգ» հաղորդաշարում ասաց քաղհալածյալ, Հայաստանի Հանրապետական կուսակցության (ՀՀԿ) փոխնախագահ Արմեն Աշոտյանը:
Վերջինս նշեց՝ շատ լավ հասկանում է իր քաղաքական քաշն ու կշիռը, բայց ուզում է հասկանալ՝ «Տղե՛րք, էս ձեր մերժումների տակ ի՞նչ կա»:
«Քաղաքական պրոցեսներում գարանտիաներ ուզելն առնվազն ժպիտ առաջացնող է: Ես չեմ ասում, որ իմպիչմենտը պանացեա է, ես ասում եմ՝ իրավական ձևով միակ օրակարգն է, որը Նիկոլից կախված չէ: Դուք ասում եք՝ Նիկոլը բռնապետ է: Ուրեմն բռնապետ Նիկոլը 2026թ. կազմակերպելու է այնպիսի ընտրություն, որ լինի ընտրական իշխանափոխությո՞ւն…Լո՞ւրջ»,-ասաց ՀՀԿ փոխնախագահը:
Նրա խոսքով՝ եթե ընտրությունը փողոց գեներացնելու առիթ է, ո՞վ ասաց, որ իմպիչմենտը առիթ չէ:
«Եթե նույնիսկ գնում եք ընտրությունների, ինչի՞ եք հարաբերությունները փչացնում այն մյուս ուժերի հետ, որոբնց հետ հույս ունեք ձևավորել հետընտրական «Գյումրի սթայլ» կոնստրուկցիա: Եթե պայմանավորվել ենք՝ Ա կետիվ Բ կետ հասնենք, որ վերջում մի կտոր հաց ուտենք, էդ ճանապարհին դուք ինձ ինչի՞ եք խփում: ՀՀԿ-ի ԴՆԹ-ի մեջ նենգություն չկա»,-ասաց Արմեն Աշոտյանը:
Մանրամասները՝ տեսանյութում:
