Հայաստանը 3 միլիոն 182.000 դրամով Մոսկվայում կմասնակցի կոշիկի և կաշվե իրերի միջազգային ցուցահանդեսին

Հայաստանն իր տաղավարը կունենա «Izmailovo shoes 2025» կոշիկի և կաշվե իրերի միջազգային ցուցահանդեսում։ Էլեկտրոնային գնումների համակարգից տեղեկանում ենք՝ ըստ Էկոնոմիկայի նախարարության և անհատ ձեռներեց Սերգեյ Կերեևի միջև օրերս կնքված ծառայությունների մատուցման պայմանագրի՝ ցուցահանդեսի անցկացման վայը Մոսկվան է, անցկացման ժամկետներ են նշվում օգոտոստի 11-28-ը։

Ըստ օգոստոսի 1-ին կողմերի միջև կնքված պայմանագրի՝ Հայաստանի մասնակցության, տարածքի վարձակալության համար նախարարությունը մատակարարին գնում չհանդիսացող ծախս գնման ընթացակարգով կվճարի  3 միլիոն 182.000 դրամ՝ 643.574,00 ռուբլի։