
Մեծ Բրիտանիայում բռնել են երկրում ամենամեծ առնետը

Անգլիայի հյուսիսի տներից մեկում ավելի քան կես մետր երկարությամբ առնետ են բռնել, որն ամենամեծն է համարվում Մեծ Բրիտանիայում: Այս մասին հաղորդում է Telegraph-ը՝ հղում անելով տեղական իշխանություններին:
Կրծողը հայտնաբերվել է Հյուսիսային Յորքշիրի Նորմանբի շրջանում վնասատուների դեմ պայքարի մասնագետի կողմից: Առնետի երկարությունը դնչից մինչև պոչը կազմել է 22 դյույմ (55,88 սանտիմետր):
Մինչ այդ Մեծ Բրիտանիայի ամենամեծ առնետն էր համարվում 2018 թ. Բոռնմութում բռնված 53,5 սանտիմետր երկարությամբ կրծողը:
Մասնագետների գնահատմամբ, Մեծ Բրիտանիայում կարող է շուրջ 250 միլիոն առնետ լինել: