Ներկայումս ԱՄՆ-ը չունի հստակ ձևավորված հարաբերություններ Փաշինյանի հետ․ Անդրկովկասն ԱՄՆ-ի առաջնահերթություններից չէ. Դուդակով
168TV-ի «Թրիգեր» հաղորդաշարի հյուրը քաղաքագետ-ամերիկանիստ Մալեկ Դուդակովն է։
Հաղորդման ընթացքում անդրադարձ է կատարվել՝ ինչպես աշխարհաքաղաքական, այնպես էլ՝ տարածաշրջանային օրակարգերին վերաբերող հիմնական թեմաներին։
Մասնավորապես, քննարկվել է իրանա-իսրայելական հակամարտության սրման հնարավորությունը՝ հաշվի առնելով աճող լարվածությունը և երրորդ կողմերի ներգրավման ռիսկերը։ Քննարկվել է նաև Դոնալդ Թրամփի վարչակազմի արտաքին քաղաքական կուրսը, մասնավորապես՝ Հարավային Կովկասի ուղղությամբ։
Հարցազրույցի ընթացքում առանձնահատուկ անդրադարձ է կատարվել տարածաշրջանում Ռուսաստանի և Թուրքիայի միջև ազդեցության վերափոխման գործընթացներին, այդ թվում՝ նրանց աճող մրցակցությանը և շահերի ոլորտների վերանայման փորձերին։
Դուդակովը նաև մեկնաբանել է Հայաստանի և Ադրբեջանի միջև խաղաղության պայմանագիր կնքելու հեռանկարները։
Հայկ Դերզյան
