Վրաստանում օտարերկրյա ուսանողների թիվն աճել է
Վերջին չորս տարիների ընթացքում Վրաստանում օտարերկրյա ուսանողների թիվը գրեթե կրկնապատկվել է։ Այս մասին գրում է aliq.ge-ն։
TBC Capital-ի տվյալներով՝ 2024-2025 ուսումնական տարում Վրաստանում սովորել է 37 հազար 100 օտարերկրյա ուսանող, ինչը տարեկան 21%-ի աճ է։ Նրանցից 15%-ը սովորել է բակալավրի աստիճանում, իսկ 85%-ը՝ մագիստրոսի և բժշկական բարձրագույն ուսումնական ծրագրերում։
Այս տարի Վրաստանն ունեցել է ուսանողների ամենամեծ թիվը (55%) Հնդկաստանից, որին հաջորդում են Հորդանանը (7%) և Իսրայելը (6%)։
Նույն տվյալների համաձայն` սպառողական ապրանքների գները մեծ դեր են խաղում բարձրագույն կրթության վերաբերյալ որոշումների կայացման գործընթացում։
Տների վարձակալության գները բարձրացել են միգրանտների հոսքին զուգընթաց։
