Գազայի հատվածում Իսրայելի օդային հարվածների հետևանքով 27 պաղեստինցի է զոհվել
Գազայի հատվածում Իսրայելի օդային հարվածների հետևանքով հուլիսի 21-ի լուսաբացից ի վեր սպանվել է 17 պաղեստինցի։
Այս մասին հայտնում է Al Jazeera-ն։
Գազայի Բժշկական օգնության միության տեղեկացմամբ՝ ավելի քան հազար զոհ է գրանցվել իսրայելի կողմից մայիսից ի վեր օգնության բաշխման կենտրոնների մոտ հավաքված ամբոխների թիրախավորման հետևանքով։
Միությունը նաև նշել է, որ Գազայի հատվածում յուրաքանչյուր յոթերորդ երեխան տառապում է ծանր թերսնուցումից։
ՀԱՄԱՍ-ն իր հերթին հայտարարել է, որ Գազայի ավելի քան 2 միլիոն բնակիչներ սովի վտանգի տակ են Իսրայելի կողմից անկլավի շարունակական շրջափակման պատճառով։ Ավելի քան 650000 երեխա տառապում է ծանր թերսնումից։
Գազայի հատվածում նախօրեին սպանվել է առնվազն 115 պաղեստինցի, այդ թվում՝ 92 մարդ, որոնք գնդակահարվել են բաշխման կետերում սննդամթերք ստանալու ժամանակ։
Գազայի առողջապահության նախարարությունը տեղեկացրել է, որ 2023 թվականի հոկտեմբերի 7-ից վեր իսրայելական հարձակումների հետևանքով զոհված պաղեստինցիների թիվը գերազանցել է 58895 հազարը, վիրավորվել է 140980 մարդ, որոնց թվում զգալի թիվ են կազմում կանայք և երեխաները։
Իսրայելը Գազայի հատվածում ռազմական գործողություններ էր սկսել՝ ի պատասխան պաղեստինյան ՀԱՄԱՍ շարժման զինյալների ներխուժման, որի հետևանքով զոհվել էր գրեթե 1200 մարդ, գերեվարվել՝ շուրջ 250 մարդ։
