Թուրքիան գնել է ՆԱՏՕ-ին զինամթերք մատակարարող իտալական ընկերությունը
Global Defense Insight-ի փոխանցմամբ՝ թուրքական ARCA Defense պաշտպանական ընկերությունը պաշտոնապես ձեռք է բերել իտալական Esplodenti Sabino ընկերությունը՝ Կազալբորդինոյում գտնվող շտաբ-գրասենյակի հետ միասին:
Այս ընկերությունը երկար տարիներ զինամթերք է մատակարարում Իտալիայի պաշտպանության նախարարությանը և ՆԱՏՕ-ին: Այս ռազմավարական գործարքի շնորհիվ, թուրքական ARCA Defense ընկերությունը զգալի ուժեղացնելու է իր ներկայությունը Եվրոպայում, դրանով իսկ ամրապնդելով Թուրքիայի դիրքերը պաշտպանական արտադրանքի մատակարարման շղթայում:
Նշենք, որ Arca Defense-ը, որի գլխավոր գրասենյակն Անկարայում է, գրասենյակ ունի նաև Միլանում: Այն արտադրում է հրետանային, ականանետային տարբեր տրամաչափի զինամթերք, հրթիռներ՝ թռիչքի հեռահարությունը 20-40 կմ, և այլն:
Ի դեպ, վերևում նշված գործարքին առնչվող ֆինանսական մանրամասները դեռ գաղտնի են պահվում:
