Փաշինյանի հայտարարությունից հետո նրա մոտ սկսեցին հաճախակի գալ M16-ն ու ԿՀՎ-ն. Ալեքսանդր Անանև
168TV-ի «Թրիգեր» հաղորդաշարի հյուրը ՌԴ Արտաքին գործերի նախարարության (ԱԳՆ) պաշտոնաթող ավագ խորհրդական Ալեքսանդր Անանևն է:
Հաղորդման ընթացքում քննարկվել են այնպիսի հարցեր, ինչպիսին է Հարավային Կովկասի ներկայիս աշխարհաքաղաքական իրավիճակը։ Մասնավորապես, ուշադրություն է դարձվել Ռուսաստանի և Ադրբեջանի միջև լարվածությանը՝ հատկապես Բաքվի կոշտ հռետորաբանության ֆոնին։ Քննարկվել են այս դիմակայության հնարավոր պատճառները և դրա թաքնված նպատակները, այդ թվում՝ այն հարցը, թե ինչու է Ադրբեջանն ընտրել նման ագրեսիվ վարքագիծ։
Հատուկ ուշադրություն է դարձվել, այսպես կոչված, «Զանգեզուրի միջանցքի» թեմային՝ որպես տարածաշրջանային վերափոխման հիմնական տարրերից մեկի։ Քննարկվել է դրա իրականացման հավանականությունը տեսանելի ապագայում, ինչպես նաև այս օրակարգի առաջխաղացման իրական արտաքին խաղացողների հարցը։ Շոշափվել են տարբերակներ Թուրքիայի անմիջական մասնակցության և, միևնույն ժամանակ, Միացյալ Նահանգների մասնակցությամբ առաջ մղվող ավելի խորը նախագծի մասին, ինչպես, մասնավորապես, նշում են «Քարնեգի» հիմնադրամի վերլուծաբանները։
Քննարկվել է նաև Հայաստանի ներսում ստեղծված իրավիճակը, այդ թվում՝ իշխանությունների կողմից Հայ Առաքելական եկեղեցու վրա վերջերս կատարված հարձակումները, հոգևորականության ներկայացուցիչների, այդ թվում՝ արքեպիսկոպոսների և հայտնի բարերար Սամվել Կարապետյանի ձերբակալությունները։ Այս բռնաճնշումների հնարավոր քաղաքական հետևանքները վերլուծվել են հաջորդ տարի կայանալիք հավանական ընտրությունների համատեքստում։
Ամփոփելով՝ անդրադարձ կատարվեց Փաշինյանի և Ալիևի բանակցությունների թեմային՝ արտաքին խաղացողների շահերի, Ռուսաստանի դերի և իրադարձությունների զարգացման հնարավոր սցենարների տեսանկյունից։։
Հայկ Դերզյան
