Թուրքիայի և Մեծ Բրիտանիայի միջև առևտրաշրջանառության ծավալը հասնում է 30 մլրդ դոլարի
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա։ Այցի շրջանակներում Լեմմին հանդիպել է Թուրքիայի արտաքին գործերի նախարար Հաքան Ֆիդանի հետ։ Ֆիդանը նշել է, որ երկու երկրների միջև առևտրաշրջանառության ծավալը մոտենում է 30 մլրդ դոլարի։ Այս մասին տեղեկացնում է ermenihaber.am-ը։
Նաև ընդգծել է, որ առևտրի և ներդրումների ոլորտներում կան շատ մեծ հնարավորություններ և հավելել է, որ «Ազատ առևտրի համաձայնագիրը» պետք է թարմացվի։
Արտգործնախարարները հանդիպմանը քննարկել են Գազայում իրավիճակը, Սիրիայի, Իրանի, Իրաքի և ռուս-ուկրաինական հակամարտության վերաբերյալ հարցերը։
Անդրադառնալով Իսրայել-Իրան հակամարտությանը՝ Ֆիդանը նշել է. «Կողմերի միջև Իրանի և Իսրայելի միջև ձեռք բերված համաձայնագրի շարունակումը, հրադադարի ռեժիմը չխախտելը և մշտական խաղաղությանը վերադառնալը այս պահին մեր ամենամեծ ռազմավարական նպատակներից են»։
