Իրանն Իսրայելին հարվածելիս առաջին անգամ գործի է դրել Qadr H բալիստիկ հրթիռ
Իրանն առաջին անգամ Qadr H բալիստիկ հրթիռ է օգտագործել հունիսի 23-ի առավոտյան Իսրայելի վրա հարձակման ընթացքում: Այս մասին հայտարարել է Իսլամական հեղափոխության պահապանների կորպուսի (ԻՀՊԿ) ներկայացուցիչ Իման Թաջիկը՝ տեղեկացնելով Իսրայելի դեմ ռազմական գործողության ընթացքի մասին։
«Առաջին անգամ գործադրվել է Qadr H բազմալիցք բալիստիկ հրթիռը», – նրա ճեպազրույցից հատված է մեջբերում ՏԱՍՍ-ը։
ԻՀՊԿ ներկայացուցչի խոսքով՝ մարտագլխիկներն «ավելի ճշգրիտ, ավերիչ և արդյունավետ հարվածներ են հասցրել ռազմավարական թիրախներին Իսրայելի հյուսիսում, հարավում և կենտրոնական մասում»։
Հունիսի 22-ին ԻՀՊԿ ներկայացուցիչը հայտնել էր, որ Իրանն Իսրայելի վրա հարձակման ընթացքում առաջին անգամ օգտագործել է Kheibar Shekan բալիստիկ հրթիռ:
