Թուրքիան տուրիզմի ոլորտում դարձել է աշխարհում 4-րդը
Թուրքիան ամենաշատ զբոսաշրջիկ ընդունած երկրների ցանկում զբաղեցրել է 4-րդ հորիզոնականը: ՄԱԿ-ի Զբոսաշրջության համաշխարհային կազմակերպության տվյալներով՝ առաջատար 5 երկրներն են Ֆրանսիան, Իսպանիան, ԱՄՆ-ն, Թուրքիան և Իտալիան։ Այս մասին տեղեկացնում է ermenihaber.am-ը։
Թուրքիայի մշակույթի և տուրիզմի նախարար Մեհմեթ Նուրի Էրսոյը հայտարարել է. «ՄԱԿ-ի հրապարակած տվյալների համաձայն՝ Թուրքիան, 2024թ. ընդունելով 56․7 մլն օտարերկրյա զբոսաշրջիկ, զբաղեցրել է 4-րդ տեղը»:
Նախարարը նշել է, որ Թուրքիան նախորդ տարվա համեմատ մեկ սանդղակով բարձրացել է՝ 5-րդ տեղից անցնելով 4-րդը և շարունակել է կայուն աճն այս ուղղությամբ: 2024-ին զբոսաշրջիկների ընդհանուր թիվը հասել է 62․3 միլիոնի:
Էրսոյը նշել է, որ այս մեծ հաջողությունը պատմական ժառանգության և մշակութային հարստության արդյունավետ ներկայացման, ամուր ենթակառուցվածքների և տարվա չորս եղանակների տուրիստական բազմազանության արդյունք է:
