Արկադի Ղուկասյանը մինչև վերջին արցախցու հեռանալը մնաց Արցախում. Տիգրան Աբրահամյան
Տիգրան Աբրահամյանը ֆեյսբուքյան իր էջում գրում է․
«Այսօր Արցախի 2-րդ նախագահ Արկադի Ղուկասյանի ծննդյան օրն է:
Թեև իր աշխատանքի բերումով պաշտոնավարման ավարտից հետո մինչև 2018 թվականը Հայաստանում էր, սակայն 2020 թվականի ավերիչ պատերազմից հետո Ղուկասյանը վերադարձավ Արցախ:
Նույնիսկ այն ժամանակ, երբ Արկադի Ղուկասյանը շրջափակման ժամանակ հնարավորություն ուներ դուրս գալու, մնաց Ստեփանակերտում:
Արկադի Ղուկասյանը մինչև վերջին արցախցու հեռանալը մնաց Արցախում` իր ընկերներին չդավաճանեց և թեև այսօր մեր մյուս հայրենակիցների հետ ադրբեջանական բանտում է, սակայն իր կեցվածքով ու խոսքով միշտ արժանապատիվ պահվածք է դրսևորում:
Նրա հետ երբեք մտերմություն չեմ ունեցել, սակայն նա իմ աչքերում եղել ու մնում է որպես հայրենասեր մարդ, ով արցախյան շարժումից մինչև արցախցիների համար ծանրագույն շրջան, հավատարիմ մնաց իր սկզբունքներին և գաղափարներին:
Շնորհավոր ծնունդդ պարոն Ղուկասյան:
Ազատությո՛ւն ադրբեջանական բանտերում գտնվող բոլոր հայերին»:
