«Հայաստանի էլեկտրական ցանցեր» ընկերությունը աջակցություն է հայտնել Սամվել Կարապետյանին
«Հայաստանի էլեկտրական ցանցեր» ընկերությունը և ընկերության արհեստակցական կազմակերպությունը հայտարարություն են տարածել՝ իրենց լիակատար աջակցությունը հայտնելով գործարար և սեփականատեր Սամվել Կարապետյանին։
«Մենք վստահ ենք, որ Հայաստանում օրենքի գերակայությունը կհաղթի, և մեր ղեկավարը շատ շուտով կվերադառնա իր աշխատանքային մեծ ընտանիք՝ շարունակելու հայրենիքին ուղղված իր ծրագրերը», – ասված է հայտարարության հատվածում։
Ընկերությունը հիշեցրել է, որ 2015թ․-ից սկսած «Տաշիր» խմբի կողմից իրականացվել են շուրջ 700 մլն դոլարի ներդրումներ՝ նախկինում ֆինանսապես և տեխնիկապես ծայրահեղ վիճակում գտնվող ընկերության վերականգնման համար։ Արդյունքում կտրուկ կրճատվել են էլեկտրաէներգիայի կորուստները, բարելավվել են հոսանքազրկման ցուցանիշները, և շարունակվում է ցանցի արդիականացման գործընթացը։
Հայտարարությունում նշվում է, որ ներկայացվել է առաջարկությունների փաթեթ Հանրային ծառայությունները կարգավորող հանձնաժողովին, իսկ ընկերության ֆինանսական վիճակն այսօր կայուն է, իսկ վարկային վարկանիշը՝ «բարձր է ՀՀ սուվերեն վարկանիշից»։
