Իրանի գերագույն առաջնորդը մերժել է ուրանի հարստացումից ամբողջովին հրաժարվելու մասին ԱՄՆ-ի պահանջները

Իրանի գերագույն առաջնորդը մերժել է ուրանի հարստացումից ամբողջովին հրաժարվելու մասին ԱՄՆ-ի պահանջները, հաղորդում է Irna-ն։

Իրանի միջուկային ծրագրի նկատմամբ ԱՄՆ-ի հավակնություններն անհեթեթ են և հիմար, հայտարարել Է Ալի Խամենեին Իմամ Խոմեյնիի մահվան տարելիցին նվիրված արարողության ժամանակ: Նա նշել է, որ միջուկային արդյունաբերությունն իր ազդեցությունն ունի Իրանի գիտության բազմաթիվ ճյուղերի վրա: Եվ առանց այդ արդյունաբերության Թեհրանը կախվածության մեջ կընկնի Վաշինգտոնից, որն անպայման կփորձի պարտադրել իր պայմանները։

Իրանն ու ԱՄՆ-ն Օմանի միջնորդությամբ բանակցությունների արդեն հինգ փուլ են անցկացրել: