Ռուսաստանը և Ուկրաինան գերիների փոխանակում են իրականացրել «205-ը 205-ի դիմաց» բանաձևով
Ռուսաստանը և Ուկրաինան մայիսի 6-ին գերիների փոխանակում են իրականացրել «205-ը 205-ի դիմաց» բանաձևով։ Այս պահին ռուս զինվորականները գտնվում են Բելառուսի տարածքում։ Այս մասին հայտնել է Ռուսաստանի պաշտպանության նախարարությունը։
Զինվորականները ստանում են անհրաժեշտ հոգեբանական և բժշկական օգնություն։ Բացի այդ, նրանց հնարավորություն է տրվել կապ հաստատել հարազատների հետ։
Ուկրաինայի և Ռուսաստանի միջև ռազմագերիների փոխանակման հարցում միջնորդական ջանքեր է գործադրել Արաբական Միացյալ Էմիրությունները։
ՌԴ ռազմական գերատեսչությունը պարզաբանել է, որ ԱՄԷ-ի օգնությունը զինվորական անձնակազմի փոխանակման գործարքի շրջանակներում մարդասիրական բնույթ է կրել։
Ռազմագերիների նախորդ փոխանակումը տեղի է ունեցել ապրիլի 19-ին, որի արդյունքում 246-ական զինվորական վերադարձել է Ռուսաստան և Ուկրաինա։
