Անթալիայում ավտոբուսը դուրս է եկել ճանապարհից. 18 ռուսաստանցի զբոսաշրջիկ է տուժել
Թուրքիայի Անթալիա նահանգում զբոսաշրջիկներ տեղափոխող ավտոբուսը դուրս է եկել ճանապարհից ու վթարի ենթարկվել։ Այս մասին հայտնում է IHA գործակալությունը։
Նշվում է, որ ավտոբուսը, որում 25 ռուսաստանցի զբոսաշրջիկ է եղել, դուրս էր եկել Անթալիայի օդանավակայանից։
«Մանավգատի շրջանում վարորդը կորցրել է կառավարումը։ Ավտոբուսը դուրս է եկել ճանապարհից և շրջվել ջերմոցների մերձակայքում», – ասվում է հաղորդագրության մեջ։
Գործակալության տվյալներով՝ վթարի հետևանքով տուժել են վարորդը և 18 ռուսաստանցիներ։
