Ռուս դիվանագետը հուզվել է, չի կարողացել զսպել արցունքները Հայոց ցեղասպանությանը նվիրված ցուցահանդեսի ժամանակ
Օսմանյան կայսրությունում Հայոց ցեղասպանությանը նվիրված ցուցահանդեսից հետո ռուս դիվանագետը չի կարողացել զսպել արցունքները:
ՌԴ դեսպանատան խորհրդական-դեսպանորդ Մաքսիմ Սելեզնյովը Sputnik Արմենիայի թղթակցի հետ զրույցում խոստովանել է, որ բառացիորեն ընկղմվել է հայ ժողովրդի տառապանքների մեջ։
«Այն, ինչ ցուցադրված է այս պատերին… սարսափելի ողբերգություն է, որը չպետք է կրկնվի։ Չի կարելի անմասն մնալ տեղի ունեցած բոլոր սարսափներից։ Պետք է հիշել և թույլ չտալ, որ այն մոռացվի և կրկնվի: Ինձ թվում է, որ դա է ամբողջ թանգարանի և, մասնավորապես, այս ցուցահանդեսի ուղերձը», – ըստ ՍպուտնիկԱրմենիայի՝ նշել է նա։
«Վավերագրելով հանցագործությունները. Հայոց ցեղասպանության ականատես-փաստագրողները» ցուցահանդեսում ներկայացված են 1915 թվականի ողբերգության մասին Ռուսական կայսրության հպատակների վկայությունները:
