Մոսկվայում տեղի կունենան խորհրդակցություններ Ռուսաստանի, Չինաստանի և Իրանի ներկայացուցիչների միջև
Իրանի Իսլամական Հանրապետության եռակողմ խորհրդակցությունները միջուկային ծրագրի շուրջ տեղի կունենան ապրիլի 7-ին կամ 8-ին Մոսկվայում։ Ինչպես տեղեկանում ենք ՏԱՍՍ գործակալությունից, այդ մասին հայտարարել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային։
«Այսօր կամ վաղը Մոսկվայում տեղի կունենա հերթական եռակողմ հանդիպումը, որտեղ Չինաստանը, Ռուսաստանը և Իրանը կքննարկեն տարբեր ասպեկտներ՝ կապված միջուկային հիմնախնդրի, Գործողությունների համատեղ համապարփակ ծրագրի և (ՄԱԿ-ի Անվտանգության խորհրդի) թիվ 2231 բանաձևի հետ» ,- ասել է դիվանագետը շաբաթական ճեպազրույցում:
2231 բանաձևով ՄԱԿ-ի Անվտանգության խորհուրդն իր աջակցությունն էր հայտնում ԳՀՀԾ-ին։
