Հայտնի է դարձել ԵՄ անդամ երկիրը, որն առաջատար է դարձել է ապաստան հայցողների դիմումների քանակով

Երկար տարիների ընթացքում առաջին անգամ Գերմանիան կորցրել է առաջատարի դերը ԵՄ երկրների ցանկում, որտեղ ապաստան հայցողները փորձում են բնակության իրավունք ստանալ։

Ինչպես հայտնում է Welt am Sonntag-ը, այս մասին ասվում է Եվրահանձնաժողովի ոչ հրապարակային ուսումնասիրության մեջ, որը հասանելի է դարձել լրագրողներին։

Փաստաթղթի համաձայն, 2025 թվականի առաջին ամիսներին Գերմանիան կորցրել է առաջին տեղը ԵՄ երկրների շարքում, որտեղ ապաստան հայցողները ամենից հաճախ են փորձում ստանալ այդ կարգավիճակը։

Այժմ առաջին հորիզոնականը զբաղեցնում է Ֆրանսիան՝ տարվա առաջին եռամսյակում այս երկիր է ներկայացվել գրեթե 41 հազար հայտ։ Երկրորդ տեղում Իսպանիան է՝ ավելի քան 39 հազար, երրորդում՝ Գերմանիան՝ ավելի քան 37 հազար հայտով։ 2024 թվականի նույն ժամանակահատվածի համեմատ Գերմանիայում ներկայացված դիմումների թիվը նվազել է 41%-ով։

Ամենաքիչ հայտերը գրանցվել են Հունգարիայում և Սլովակիայում (համապատասխանաբար 22 և 37)։

Ընդհանուր առմամբ, տարվա առաջին եռամսյակում ԵՄ է ներկայացվել ապաստանի ավելի քան 210600 դիմում։

Ամենից հաճախ ապաստան հայցողները Վենեսուելայի, Աֆղանստանի և Սիրիայի քաղաքացիներ են։ Միաժամանակ վենեսուելացիներից դիմումների թիվն աճել է 44%-ով։

Նշվում է նաև ուկրաինացիների դիմումների 84 տոկոս աճի մասին։

Արտահերթ ընտրություններին ընդառաջ Գերմանիայում նախընտրական քարոզարշավի կենտրոնական թեմաներից է միգրացիոն խնդիրը։

Պահպանողականներն ու Գերմանիայի սոցիալ-դեմոկրատական ​​կուսակցությունը, որոնք բանակցում են կառավարություն ձևավորելու համար, համաձայնության են եկել միգրացիայի հարցում շատ ավելի խիստ մոտեցման շուրջ, գրում է European Truth-ը։