Թուրքիայում ավտոբուս է շրջվել. կան զոհեր և վիրավորներ
Թուրքիայի Սիվաս (Սեբաստիա) նահանգի Իմրանլը շրջանում մարդատար ավտոբուս է շրջվել։ Ավտոբուսը պատկանում է թուրքական «Başak» տուրիստական ընկերությանը։
Այս մասին տեղեկացնում է ermenihaber.am-ը։
Վթարի հետևանքով մահացել է 2 մարդ, 18-ը՝ վիրավորվել։
Տուժածները տեղափոխվել են Իմրանլըի հիվանդանոց։ Դեպքի վայր են ժամանել ոստիկաններ, «Աղետների և արտակարգ իրավիճակների վարչության» (AFAD) խմբեր և բժիշկներ։
