Կարմիր ծովում խորտակված սուզանավում բացառապես ռուս զբոսաշրջիկներ են եղել
Հուրգադայի ափերի մոտ խորտակված սուզանավում բացառապես ռուս զբոսաշրջիկներ են եղել. այս մասին, rbc.ru-ի փոխանցմամբ, հայտնել է Եգիպտոսում ՌԴ հյուպատոսությունը: Ընդհանուր առմամբ, սուզանավում 45 զբոսաշրջիկ է եղել:
Ըստ նախնական տվյալների զոհվել է 6 մարդ: Մյուսներն այժմ հոսպիատալացված են կամ հյուրանոցներում են:
«Սինդբադ» զբոսաշրջային սուզանավում գտնվող զբոսաշրջիկները ստորջրյա ծովային ճանապարհորդության ժամանակ ուսումնասիրում էին Եգիպտոսի մարջանային խութերը և կենդանական աշխարհը: Սուզանավը Հուրգադայում զբոսաշրջային ուղևորություններ էր իրականացնում արդեն մի քանի տարի։ Ըստ օպերատորի՝ Sharm Hurghada Excursions-ի, ստորջրյա շրջագայությունը տևում է երեք ժամ և արժե շուրջ 100 դոլար մեծահասակի համար:
