Թրամփն ընդունել է Թուրքիայում ԱՄՆ-ի դեսպանի թեկնածու Թոմ Բարաքին
ԱՄՆ նախագահ Դոնալդ Թրամփը Սպիտակ տանը հյուրընկալել է Անկարայում ԱՄՆ դեսպանի թեկնածու, գործարար 77-ամյա Թոմ Բարաքին: Նա մասնագիտությամբ իրավաբան է և իր կարիերան սկսել է Սաուդյան Արաբիայում։ Այս մասին տեղեկացնում է ermenihaber.am-ը։
ԱՄՆ նախկին նախագահ Ռոնալդ Ռեյգանի վարչակազմում ծառայել է որպես ներքին գործերի նախարարի խորհրդականի տեղակալ 1980-ականներին։
Թոմ Բարաքի, ինչպես նաև մյուս թեկնածուների հետ կազմակերպված հանդիպումների ընթացքում Թրամփը դրվատանքի խոսքեր է հնչեցրել Թուրքիայի և նախագահ Ռեջեփ Թայիփ Էրդողանի հասցեին։
Թուրքիայում ԱՄՆ դեպսանի թեկնածու Բարաքը շնորհակալություն է հայտնել Թրամփին իրեն վստահելու համար, միևնույն ժամանակ Թուրքիան բնորոշել է որպես «ամենահին քաղաքակրթություն ունեցող երկրներից է»։
Թրամփն այդ խոսքերն անարձագանք չի թողել՝ ընդգծելով․ «Թուրքիան լավ երկիր է, որի ղեկավարը նույնպես լավն է»։
