Չեխիայի զինամթերքի պահեստներից մեկում պայթյուն է տեղի ունեցել
Չեխիայի կենտրոնական մասում գտնվող Բորժինի բնակավայրի զինամթերքի պահեստում պայթյուն է տեղի ունեցել: Այս մասին տեղեկացնում է «Ինտերֆաքս» գործակալությունը։
«Կարող եմ հաստատել, որ պայթյուն է եղել: Հայտարարվել է հրդեհի ահազանգ»,- Չեխական ռադիոյին հայտնել է տեղի հրշեջ ծառայության ներկայացուցիչ Վենդուլա Գորակովան։
Զոհերի մասին առայժմ տեղեկություններ չկան, դեպքի վայրում աշխատում է 11 հրշեջ հաշվարկ։
Դեպքի վայրին մոտ գտնվող շրջաններից իրականացվել է մարդկանց տարհանում։ Տեղի բնակիչների համար միջադեպը վտանգ չի ներկայացնում: Փակ են մոտակա մի քանի ճանապարհները։
«Ինտերֆաքս»-ը նշում է, որ օբյեկտում, որտեղ պայթյուն է որոտացել, ոչ միայն պահվում, այլև արտադրվում են խոշոր տրամաչափի զինամթերքներ, որոնք, մասնավորապես, օգտագործվում են Ուկրաինայում։ Բացի այդ, այնտեղ կան ռազմական տեխնիկայի վերանորոգման և արդիականացման հնարավորություններ։
