«Նիկոլահպատակ հանրայինը, հասկանալով, որ Գյումրու ընտրությունները ձեռից գնում են, փորձում է փրկել «իրենց Սարիգին»». Արմեն Հովասափյան
Արմեն Հովասափյանը ֆեյսբուքյան իր էջում գրել է․
«Նիկոլահպատակ հանրայինը, հասկանալով, որ Գյումրու ընտրությունները ձեռից գնում են, փորձում է փրկել «իրենց Սարիգին» և որոշել է պատրաստել 5 րոպեանոց տեսանյութ՝ «Գյումրիում մշակութային կենտրոններ են վերանորոգվում» վերնագրով։
Ուղիղ 5 րոպե ՔՊ-ի հետ կապված անձինք խոսում էին այն մասին, թե ինչ «հեռանկարային նախաձեռնություններ ունեն առաջիկայում»՝ մանրամասն ներկայացնելով իրենց նպատակները։
Սա հերթական անգամ փաստում է, որ ժողբաստիոնը միակողմանի է և թույլ է տալիս օգտագործել հանրային ռեսուրսներ՝ ակնհայտ քաղաքական նպատակներով (լիբերալ-ֆաշիզմ՝ ուրիշ ոչինչ)։ Հանրային միջոցներով ձրի գովազդը նման ձևով նպաստում է մեկ թեկնածուի առաջխաղացմանը, երբ մյուս թեկնածուների հետ հավասար պայքարն անհնար է դառնում։
Հանրային հեռուստաընկերությունը, որպես պետական կառույց, պետք է ապահովի հավասարության սկզբունքը և չի կարող լինել իշխող քաղաքական ուժի քարոզչության գործիք։ Այս ամենն նիկոլական իշխանության կողմից իրականացվող մանիպուլյացիա է՝ Սարիգի ընտրական պլանները քարոզելու համար։
Քաղաքական քարոզչության այս ձևը ստեղծում է պատրանք, թե իշխանությունը իրականում անում է բաներ, որոնք ուղղված են քաղաքացիների բարեկեցությանը, մինչդեռ դրա նպատակն, իրականում, ընտրությունների նախապատրաստումն է։ Պետք է հիշել, որ նման քարոզչության միջոցով պետությունը փաստացիորեն աջակցում է միայն իշխանության թեկնածուին՝ անտեսելով մյուս քաղաքական ուժերի հավասար պայքարի իրավունքները։
Իրավական տեսանկյունից նման գործելաոճը կարող է լուրջ հետևանքներ ունենալ, եթե դա դիտարկվի որպես պետական ռեսուրսների չարաշահում։ ՀՀ «Ընտրական օրենսգիրքը» ենթադրում է, որ բոլոր թեկնածուները պետք է ունենան հավասար հնարավորություն ցուցադրելու իրենց ծրագրերը, և պետական ռեսուրսների օգտագործումը պետք է բացառվի այս գործընթացից։ Նիկոլը՝ Նիկոլ չէր լինի, եթե իր մոլագար ու սևեռուն ցանկություններն իրականացնելու համար չգնար ցանկացած միջոցի»:
