ԱՄՆ-ը քննարկում է ռուսական էներգետիկայի ոլորտի պատժամիջոցների մեղմացման հնարավորությունը
ԱՄՆ նախագահ Դոնալդ Թրամփի վարչակազմը հանձնարարել է ֆինանսների նախարարությանն ուսումնասիրել ռուսական նավթագազային հատվածի նկատմամբ սահմանված պատժամիջոցների թուլացման հնարավորությունը:
Այս մասին հայտնում է Reuters գործակալությունը՝ հղում անելով իրազեկ աղբյուրներին։
Ըստ գործակալության տեղեկությունների՝ Սպիտակ տունը ֆինանսների նախարարությունից պահանջել է ուսումնասիրել էներգետիկ ոլորտում պատժամիջոցների մեղմացման տարբերակները՝ հաշվի առնելով Թրամփի և Ռուսաստանի նախագահ Վլադիմիր Պուտինի միջև Ուկրաինայում խաղաղության շուրջ սպասվող բանակցությունները։
Reuters-ի զրուցակիցները հայտնել են, որ Վաշինգտոնը ցանկանում է մշակել պատժամիջոցների արագ չեղարկման տարբերակներ՝ խաղաղ համաձայնագրի կնքման դեպքում, սակայն հստակ ընդգծել է, որ պատժամիջոցները չեն վերացվի առանց Ռուսաստանի կողմից համապատասխան զիջումների։
