Թուրքիան մտադիր է Ուկրաինայի հետ առևտրի ծավալները հասցնել 10 մլրդ դոլարի
«Թուրքիայի պալատների և բորսաների միության» (TOBB) շենքում տեղի է ունեցել Թուրքիա-Ուկրաինա կլոր սեղան-քննարկում: Այս մասին տեղեկացնում է ermenihaber.am-ը։
Կլոր սեղան-քննարկմանը մասնակցել են Թուրքիայի առևտրի նախարար Օմեր Բոլաթը, Ուկրաինայի փոխվարչապետ և տնտեսության նախարար Յուլա Սվիրիդենկոն ու «TOBB»-ի նախագ Ռիֆաթ Հիսարջըքլըօղլուն:
Բոլաթը, խոսելով երկու երկրների առևտրաշրջանառության մասին, հույս է հայտնել, որ այն էլ ավելի է ամրապնդվելու:
«Ես հավատում եմ, որ ազատ առևտրի մասին համաձայնագրով Թուրքիա-Ուկրաինա փոխադարձ առևտրի ծավալները կարճ ժամանակահատվածում հասնելու են 10 մլրդ դոլարի»,-հավելել է նա:
Նշենք, որ Բոլաթի խոսքով՝ 2024-ին երկկողմ առևտրաշրջանառության ծավալը կազմել է 6.2 մլրդ դոլար:
