Ղարաբաղից հետո ՌԴ–ի կարիքն այլևս չկա. Զատուլինը` Բաքվի պահանջի մասին
Բաքուն պահանջել է փակել Ռոսսոտրուդնիչեստվոյի ներկայացուցչությունը, քանի որ ղարաբաղյան հարցը «փակելուց» հետո ադրբեջանական իշխանությունները առաջնահերթությունը տալիս են Թուրքիայի հետ համագործակցությանը: Այս մասին հայտարարել է ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։
Ավելի վաղ Ռոսսոտրուդնիչեստվոյի ղեկավար Եվգենի Պրիմակովը հայտնել էր, որ Բաքուն պահանջել է փակել Ադրբեջանում գործող «Ռուսական տունը»` իրավաբանական գրանցման բացակայության պատճառով:
«Ադրբեջանի իշխանությունների իրական քաղաքականությունը բոլորովին այլ է` նրանք Թուրքիայի դաշնակիցներն են և իրենց շահերի հետ միասին թուրքական շահերն են առաջ մղում Կասպից ծովում, Կենտրոնական Ասիայում և Կովկասում»,-ընդգծել է Զատուլինը:
Նրա կարծիքով՝ «Լեռնային Ղարաբաղից հետո» Բաքվի համար Ռուսաստանի կարիքը վերացել է։
