Սամարայի նախկին քաղաքապետ Վիկտոր Տարխովն ու նրա կինը սպանված են հայտնաբերվել․ կասկածյալը նրանց թոռնուհին է

Սամարայի նախկին քաղաքապետ Վիկտոր Տարխովն ու նրա կինը՝ Նատալյան, սպանված են հայտնաբերվել։ Սպանության կասկածանքով ձերբակալվել է Տարխովի թոռնուհին՝ Եկատերինա Բելսկայան։ Այս մասին հայտնում են ռուսական լրատվամիջոցները՝ նշելով, որ ասպանությունը տեղի է ունեցել մոտ մեկ ամիս առաջ, սակայն Քննչական կոմիտեն միայն հիմա է հայտնել այդ մասին։

Ըստ լրատվամիջոցների՝ սպանությունից հետ Տարծովի թոռնուհին վաճառել է պապի թանկարժեք հուշանվերները և ավտոմեքենաները։

Վիկտոր Տարխովը Սամարայում պաշտոնավարել է 2006-2010 թթ․։ Պաշտոնից հեռանալուց հետո նա զբաղվում էր բիզնեսով։