Մեզ շեղում են Ուկրաինայով կամ Հայաստանով, իսկ հիմնական պոլիգոնն Արկտիկան է. Կուրչատովի ինստիտուտի ղեկավար
Արկտիկան Ռուսաստանի գլոբալ առավելությունն է։ Այս մասին հայտարարել է «Կուրչատովի ինստիտուտի» ազգային հետազոտական կենտրոնի նախագահ Միխայիլ Կովալչուկը, փոխանցում է 5-tv.ru-ն։
«Արկտիկան մեր գլոբալ առավելությունն է։ Մեր նախագահը սա բացարձակապես հստակ ձևակերպեց, հասկացավ և շատ քայլեր ձեռնարկեց դրա ուղղությամբ»,- ասել է Կովալչուկը։
Կարևոր է հիշել, որ դա հասկանում են ոչ միայն մեր երկրում, այլև ամբողջ աշխարհում, ասում է նա։
«Արկտիկան ապագայի փորձադաշտն է: Այսօր մեզ շեղում են ինչ-որ Ուկրաինայով կամ ինչ-որ տեղ Հայաստանում, բայց իրականում հիմնական պոլիգոնն Արկտիկան է»,- ասաց նա։
Կովալչուկը հայտարարել է, որ Ռուսաստանն է այս տարածքի օրինական սեփականատերը, քանի որ իրենք ունենք աշխարհի սառցահատների նավատորմի ավելի քան 50%-ը։
Ավելին, նրա խոսքով, Ռուսաստանն աշխարհում միակն է, որն ունի միջուկային սառցահատներ՝ «առանց մրցակցության»։
Ներկայումս մեծ պայքար է ընթանում Արկտիկայի համար, ասում է Կովալչուկը։ Դրա մասին ակնհայտորեն վկայում են Գրենլանդիայի իրադարձությունները։ Եթե ԱՄՆ-ը Կանադայի հետ վերցնի այս կղզին, ապա նրանք ուժով մեզ կհավասարվեն։
«Մենք պետք է գերուժեղ լինենք, և այսօր մենք կարող ենք դիրքեր գրավել Արկտիկայում, որտեղ մեզ հասնելը շատ դժվար կլինի», – ասաց նա:
