Իսլամ Մախաչևի և Արման Ծառուկյանի մենամարտը պաշտոնապես չեղարկվել է
Թեթև քաշային կարգում UFC-ի չեմպիոն Իսլամ Մախաչևի և Արման Ծառուկյանի մենամարտը պաշտոնապես չեղարկվել է։
UFC-ն պաշտոնապես հայտարարել է, որ Իսլամ Մախաչևի հետ կմենամարտի բրազիլացի Ռենատո Մոյկանոն։
Մինչ այդ մարզական լրատվամիջոցները հաղորդել էին, որ Արման Ծառուկյանը լուրջ վնասվածք է ստացել։ Հունվարի 18-ին Լոս Անջելեսում տեղի ունեցած UFC 311 մրցաշարի մասնակիցների կշռման պաշտոնական արարողությանը Արման Ծառուկյանը չէր մասնակցել։
Արման Ծառուկյանը խառը մենամարտերում տարել է 22 հաղթանակ, կրել 3 պարտություն։ Մախաչևն ունի 26 հաղթանակ, 1 պարտություն։
Մախաչև-Ծառուկյան մենամարտը տեղի էր ունեցել 2019 թվականի ապրիլին Սանկտ Պետերբուրգում, որն ավարտվել էր Մախաչևի հաղթանակով։
