Մայր Աթոռ Սուրբ Էջմիածնում աղոթք կկատարվի Բաքվում գտնվող հայ գերիների համար
Մայր Աթոռը հրավիրում է աղոթք բարձրացնելու Ադրբեջանում գտնվող Արցախի ռազմաքաղաքական ղեկավարության և բոլոր այլ գերիների համար։
«Աղոթք գերիների համար
Հունվարի 19-ին Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի տնօրինությամբ Մայր Աթոռ Սուրբ Էջմիածնում, Հայաստանի և սփյուռքի թեմերի առաջնորդանիստ եկեղեցիներում հընթացս Սուրբ Պատարագի կկատարվի աղոթք Ադրբեջանի կողմից գերեվարված և Բաքվում շինծու մեղադրանքներով ապօրինաբար պահվող Արցախի Հանրապետության ռազմաքաղաքական ղեկավարության ներկայացուցիչների, զինծառայողների, քաղաքացիական անձանց համար։
Հրավիրում ենք մեր ժողովրդին միանալու աղոթքին գերյալների Հայրենիք վերադարձի համար»,- ասվում է հայտարարության մեջ։
