Իրանը վճռականորեն կգործի տարածաշրջանում իրեն պաշտպանելու համար. ԱԳՆ
Իրանի արտգործնախարարության պաշտոնական ներկայացուցիչ Էսմայիլ Բաղայը հայտարարել է, որ Թեհրանը որևէ ուղիղ կապ չի հաստատել Սիրիայում իշխող խմբավորումների հետ դեկտեմբերի սկզբին Բաշար Ասադի կառավարության տապալումից հետո, գրում է իրանական ԻՐՆԱ գործակալությունը:
Բաղայը հավելել է, որ մինչև Ասադի կառավարության տապալումն Իրանը երկար ժամանակ կապ է պահպանել սիրիական ընդդիմադիր խմբավորումների հետ։
Նա նշել է, որ Իսլամական Հանրապետությունը խմբավորումներին հայտարարել է, որ իր ներկայությունը Սիրիայում նպատակ ունի կանխել ԴԱԻՇ խմբավորման առաջխաղացումը և տարածաշրջանի երկրներում ահաբեկչության տարածումը:
Բաղային շեշտել է, որ Իրանն տարբեր հարցեր քննարկելու համար օգտագործում է բազմակողմ հանդիպումները՝ հավելելով, որ Սիրիայի հարցը եղել է Իրանի և Թուրքիայի միջև բանակցությունների օրակարգում։
Իրանի դիրքորոշումն է պահպանել Սիրիայի ինքնիշխանությունն ու ամբողջականությունը և օգնել սիրիացիներին առանց արտաքին միջամտության որոշել սեփական ճակատագիրը, հայտարարել է նա՝ հավելելով, որ կարևոր է, որ Սիրիան ահաբեկիչների համար ապաստան չդառնա:
Իրանի ԱԳՆ ներկայացուցիչը շեշտել է, որ Սիրիայում տիրող իրավիճակում ներգրավված բոլոր կողմերը պատմում են սեփական պատմությունները։ Մինչդեռ Իրանը կարծում է, որ տարածաշրջանի բոլոր երկրները պետք է զգույշ լինեն՝ իսրայելական ռեժիմի՝ տարածաշրջանում լարվածություն ստեղծելուն ուղղված հոգեբանական պատերազմը չկարգավորելու համար։
Նա շարունակել է ընդգծել, որ իրեն տարածաշրջանում պաշտպանելու համար Իրանը վճռականորեն կգործի։
Բաղայը նշել է, որ ԱՄՆ զինված ուժերը տեղակայված են Սիրիայում՝ հավելելով, որ դա կարող է խաթարել արաբական երկրի ամբողջականության և ազգային ինքնիշխանության պահպանման գործընթացը։
