Զելենսկին մերժել է Սուրբ Ծննդյան տոնին հրադադարի վերաբերյալ առաջարկը. ՌԴ ԱԳՆ
Ուկրաինայի նախագահ Վլադիմիր Զելենսկին մերժել է Սուրբ Ծննդյան տոնին հրադադարի և ռազմագերիների փոխանակման վերաբերյալ Բուդապեշտի առաջարկը։ Այս մասին հայտարարել է Հունգարիայի արտգործնախարար Պետեր Սիյարտոն իր ռուս գործընկեր Սերգեյ Լավրովի հետ զրույցում, հայտնում է ՌԴ ԱԳՆ-ն։
«Սիյարտոն ասել է, որ ուկրաինական ճակատում ժամանակավոր հրադադարի և գերիների լայնածավալ փոխանակման Հունգարիայի առաջարկը մերժվել է Զելենսկիի կողմից, ինչի մասին Բուդապեշտին տեղեկացրել են Կիևի ռեժիմի պաշտոնյաները», – ասվում է զեկույցում։
Լավրովը նշել է, որ «սա առաջին անգամը չէ, որ խաղաղությամբ անկեղծորեն շահագրգռված պետությունների, ներառյալ Հունգարիայի և Թուրքիայի նախաձեռնությունները մերժվում են Կիևի կողմից»։
Նախօրեին հաղորդվել էր, որ Հունգարիան Կիևին և Մոսկվային առաջարկել է հաստատել «սուրբծննդյան հրադադար» և անցկացնել գերիների խոշոր փոխանակում, հայտնել է վարչապետ Վիկտոր Օրբանը:
