Թուրքիայում կարգելվի 13 տարեկանից ցածր երեխաների մուտքը սոցցանցեր
Թուրքիայի տեղեկատվական տեխնոլոգիաների և հաղորդակցության խորհրդի և ընտանիքի ու սոցիալական ծառայությունների նախարարությունը համատեղ աշխատանք են տանում՝ սահմանափակելու սոցիալական մեդիայից օգտվելու հնարավորությունները փոքր տարիքային խմբերի համար։ Այս մասին տեղեկացնում է ermenihaber.am-ը։
Կանոնկարգ է մշակվում, ըստ որի՝ 13 տարեկանից ցածր երեխաների համար կարգելվի մուտքը սոցմեդիայի հարթակներ։
Հաշվի առնելով միջազգային փորձը՝ Թուրքիան նպատակ ունի նվազագույնի հասցնել այն վտանգները, որոնց կարող են բախվել երեխաները տարատեսակ սոցիալական ցանցերում։
