ԱԷՄԳ-ի ղեկավարը ժամանել է Իրան

Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսսին չորեքշաբթի ժամանել է Իրանի մայրաքաղաք Թեհրան՝ երկրի և գործակալության միջև ապագա համագործակցության շուրջ բանակցությունների նպատակով, հայտնում է Mehr գործակալությունը։

Իրանի ազգային հեռուստատեսությունը ցուցադրել է Գրոսսիի՝ Թեհրանի օդանավակայանի տերմինալ ժամանման կադրերը։

Ժամանելուն պես Գրոսսիին դիմավորել է Իրանի ատոմային էներգիայի կազմակերպության (AEOI) ներկայացուցիչը։