«Հայաստանից որևէ պաշտոնյա չի գրանցվել Բաքվում անցկացվող COP29-ին մասնակցելու համար». Արարատ Միրզոյան
Ադրբեջանի նախագահի օգնական Հիքմեթ Հաջիևն օրերս հայտնել էր, թե Հայաստանը գրանցվել է Բաքվում COP29 կլիմայական գագաթնաժողովին մասնակցելու համար, սակայն հայկական պատվիրակությունը ներկայացված չէ միջոցառմանը։
Այսօր ԱԺ-ում Կառավարության հետ հարցուպատասխանի ժամանակ ԱԳ նախարար Արարատ Միրզոյանը հերքեց այս հայտարարությունը՝ ասելով.
«Իսկապես այդ հայտարարությանը ծանոթ եմ, պետք է ընդգծեմ, որ ՀՀ որևէ պաշտոնատար անձ Բաքվում անցկացվող COP29-ին մասնակցելու համար հայտ չի ներկայացրել, չի գրանցվել։
Մենք աշխատում ենք ադրբեջանական կողմի հետ պայմանագրի թերևս վերջին երկու չձևակերպված հոդվածների վրա, իմ տպավորությունն այն է, որ մոտ ենք վերջնական լուծմանը»,- եզրափակեց Արարատ Միրզոյանը։
Մանրամասները՝ 168.am-ի տեսանյութում
