Արմավիրում 88-ամյա կին է վրաերթի ենթարկվել
Այսօր՝ նոյեմբերի 10-ին, վրաերթ է տեղի ունեցել Արմավիրի մարզում։ Ժամը 12:50-ի սահմաններում ՀՀ Ներքին գործերի նախարարության Ոստիկանության համայնքային գլխավոր վարչության Արմավիրի բաժնում և ՀՀ ՆԳՆ Ոստիկանության Պարեկային ծառայության Արմավիրի մարզի գումարտակում տեղեկություններ են ստացվել, որ Արմավիր քաղաքում վրաերթ է տեղի ունեցել, և տուժածը տեղափոխվել է «Արմավիր» բժշկական կենտրոն։
Ըստ shamshyan.com-ի՝ վրաերթի է ենթարկվել Արմավիրի մարզի բնակիչ, 88-ամյա Այծեմնիկ Գ.-ն: Վարորդը նույն մարզի բնակիչ 68-ամյա Աղվան Ս.-ն է: Ոստիկանները հայտնաբերել են Աղվան Ս.-ին և նրան, ինչպես նաև իր վարած «Mercedes» մակնիշի ավտոմեքենան տեղափոխել ոստիկանության Արմավիրի բաժին։
Վարորդը ենթարկվել է սթափության փորձաքննության, նա եղել է սթափ։
