Ռյութեն մեկնաբանել է Ուկրաինա հյուսիսկորեացի զինվորականներ ուղարկելու լուրը
ՆԱՏՕ գլխավոր քարտուղար Մարկ Ռյութեն խոսել է Հարավային Կորեայի նախագահ Յուն Սոկ Յոլի հետ ռուս-ուկրաինական պատերազմին մասնակցելու համար հյուսիսկորեացի զինվորականներ ուղարկելու մասին։ Այս մասին նա գրել է X-ում։
Ռյութեն Հարավային Կորեայի նախագահի հետ քննարկել է այդ հարցը եւ շեշտադրել, որ դա կարող է նշանակել զգալի թեժացում։
Նրանք նաեւ քննարկել են Սեուլի եւ ՆԱՏՕ-ի գործընկերությունը, պաշտպանական արդյունաբերական համագործակցությունը եւ անվտանգությունը Եվրատլանտյան եւ Հնդկա-խաղաղօվկիանոսյան տարածաշրջաններում։
Հիշեցնենք, որ Հարավկորեական հետախուզական գործակալությունը ուրբաթ տեղեկացրել էր, որ Հյուսիսային Կորեան 1 500 հատուկջոկատային է ուղարկել Հեռավոր Արեւելք ուսուցանման եւ կլիմային վարժվելու համար, եւ նրանք, հավանաբար, կուղարկվեն մասնակցելու Ուկրաինայի դեմ մարտերին։
Ավելի ուշ նախագահ Վլադիմիր Զելենսկին մեղադրել էր Հյուսիսային Կորեային այն բանում, որ նա պատրաստվում է 10 հազար զինվոր ուղարկել Մոսկվային օգնության համար։
