«Հայաստանի Սահմանադրությունը պետք է փոխվի». Հաջիև
«Խաղաղ պայմանագրի ստորագրման համար Հայաստանի Սահմանադրության տեքստում, հանրաքվեի միջոցով, պետք է փոփոխություններ կատարվեն»,- օտարերկրյա դիվանագետների հետ Լեռնային Ղարաբաղ կատարած այցի ընթացքում այսօր հայտարարել է Ադրբեջանի նախագահի աշխատակազմի արտաքին հարաբերությունների բաժնի ղեկավար Հիքմեթ Հաջիևը։
«Հայ ժողովուրդը պետք է վերջ տա Ղարաբաղի և Հայաստանի միացման իր ուտոպիստական հավակնություններին և սահմանադրորեն ամրագրի Ադրբեջանի հետ խաղաղության մեջ ապրելու իր ցանկությունը»,- նշել է ադրբեջանցի պաշտոնյան։
Հաջիևի խոսքով, եթե Հայաստանը գնա նման քայլի, «բանակցությունները շատ ավելի արագ կընթանան։
«Մեր երկրին ներկայացվող տարածքային պահանջները մեզ մտահոգում են», – նշել է Հաջիևը։
