ԱՄՆ-ը բանտից ազատել է Մեքսիկայի պատմության մեջ ամենաարյունարբու թմրաբարոններից մեկ
Մեքսիկայի պատմության մեջ ամենահայտնի թմրաբարոններից մեկը՝ Օսիել Կարդենասը, ԱՄՆ-ում ուրբաթ օրն ազատ է արձակվել բանտից եւ հանձնվել իմիգրացիոն իշխանություններին, որոնք կարող են նրան արտաքսել, տեղեկացրել է Reuters-ը։
«Ծոցի կարտելի» նախկին առաջնորդ Կարդենասը ղեկավարել է ամենաարյունարբու հանցախմբերի գործունեությունը Մեքսիկայի բուռն անցյալում, եւ նրան մեղադրում են այն բանում, որ նա ձեւափոխել է թմրավաճառությունը՝ կիրառելով դաժան բռնություն, ինչպիսին է գլխատումը։ Կարդենասը հիմնել է «Զետասը»՝ կարտելի զինված թեւը, կազմված նախկին բանակային հատուկջոկատայիններից։ Նա բռնվել է 2003թ. փոխհրաձգությունից հետո եւ արտահանձնվել ԱՄՆ-ին 2007թ.։ 2010թ. դատապարտվել է 25 տարվա բանտարկության։ Ավելի ուշ «Զետան» առանձնացել է եւ որոշ ժամանակ եղել ամենամահասփյուռ հանցավոր խմբավորումը Մեքսիկայում, հետո այն գրեթե դադարեցրել է գոյությունը։ ԱՄՆ քրեակատարողական ծառայության ներկայացուցիչը Reuters գործակալությանը հաղորդել է, որ Կարդենասը ուրբաթ ազատ է արձակվել եւ գտնվելու է «ԱՄՆ իմիգրացիոն եւ մաքսային ծառայության (ICE)» կալանքի տակ։ Առայժմ պարզ չէ՝ արդյո՞ք Կարդենասը կարտաքսվի Մեքսիկա, թե՞ կմնա ԱՄՆ տարածքում։
