Օգոստոսի 19-ին, 22։25-ին հետաքրքիր աստղագիտական իրադարձություն կլինի. Բյուրականի աստղադիտարան
Այսօր հետաքրքիր աստղագիտական իրադարձություն կլինի, որն իր գագաթնակետին կհասնի Երևանի ժամանակով 22։25-ին։ Այս մասին հայտնում է Բյուրականի աստղադիտարանը։
«2024 թվականի օգոստոսի 19-ին ականատես կարող ենք դառնալ հետաքրքիր աստղագիտական իրադարձության՝ Սուպեր Կապույտ Լուսին։ Այս երևույթը միավորում է երկու եզակի երկնային իրադարձություններ՝ Գերլուսին և Կապույտ Լուսին»,– ասված է հաղորդագրությունում։
Գերլուսին տեղի է ունենում այն դեպքում, երբ լիալուսնի փուլը և Լուսնի՝ Երկրին ամենամոտ կետում գտնվելու դիրքը (պերիգե) համընկնում են։
Լուսնի ուղեծիրը Երկրի շուրջ իդեալական շրջանաձև չէ, այլ էլիպսաձև է, ինչի հետևանքով նրա հեռավորությունը Երկրից տատանվում է ամսվա և տարվա ընթացքում: Միջին հեռավորությունը կազմում է մոտ 382,900 կիլոմետր (238,000 մղոն):
«Գերլուսին» տերմինը պաշտոնական աստղագիտական տերմին չէ: Այն առաջին անգամ առաջարկվել է աստղագետ Ռիչարդ Նոլիի կողմից 1979 թվականին։
Իսկ ի՞նչ է Կապույտ Լուսինը։ Չնայած անվանը` Լուսինն իրականում կապույտ չի երևա։ Կապույտ Լուսինը հիմնականում վերաբերում է մեկ օրացուցային ամսվա ընթացքում երկու լիալուսինների առաջացմանը։
