Գաստրոէնտերոլոգը ցրել է սուրճի մասին հայտնի միֆը
![](https://168.am/wp-content/uploads/2017/11/kofe-coffee-surj-4_640x420.jpg)
Գաստրոէնտերոլոգ Անդրեյ Խարիտոնովը KP.RU-ի հետ զրույցում ցրել է դատարկ ստամոքսին սուրճի վտանգավորության մասին առասպելը։ Նա նաև նշել է, որ թթու պտուղները չեն վնասում մարսողությունը, քանի որ ստամոքսի լորձաթաղանթը հարմարեցված է նյութերի լայն տեսականու։
Խարիտոնովի խոսքով՝ կարելի է սուրճ խմել դատարկ ստամոքսին, եթե այն տհաճ ախտանիշներ չի առաջացնում։ Թթու մրգերը, ինչպիսիք են՝ խնձորն ու մանդարինը, նույնպես վնասակար չեն առողջությանը։ Բանն այն է, որ դրանք պարունակում են թույլ թթուներ։
«Այսօր չկա որևէ ապացույց, որ որևէ մթերք (մենք չենք օգտագործում արհեստական քիմիական միացություններ, ինչպիսիք են քացախի էսենցիան կամ այլ լուծույթներ) ունակ է ստամոքսի լորձաթաղանթն այն աստիճանի վնասելու, որ դա էական դառնա»,- ըստ shantnews-ի՝ ասել է մասնագետը։