Սիյարտոն ակնկալում է հանդիպել Լավրովի հետ ՄԱԿ-ի Անվտանգության խորհրդի շրջանակում
Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն ասել է, որ ակնկալում է հանդիպել ՌԴ ԱԳ նախարար Սերգեյ Լավրովի հետ ՄԱԿ-ի Անվտանգության խորհրդի նիստի շրջանակում, իսկ առավոտյան հեռախոսով զրուցել է Չինաստանի արտգործնախարար Վան Յիի հետ։ Այդ մասին տեղեկացնում է «ՌԻԱ Նովոստի»-ն։
«Այսօր առավոտյան ես հեռախոսով խոսեցի Չինաստանի արտաքին գործերի նախարար Վան Յիի հետ, կհանդիպեմ նաև Սերգեյ Լավրովի, ՄԱԿ-ի գլխավոր քարտուղարի՝ խաղաղության հաստատման համար պատասխանատու տեղակալի և Միջազգային Կարմիր Խաչի նախագահի հետ»,- հայտնել է Սիյարտոն։
