Բրազիլիայում կտոնեն «Պելե արքայի օրը»
Բրազիլիայում այսուհետ ազգային տոնացույցում կտոնեն «ֆուտբոլի արքա» Պելեի օրը: Այս մասին գրում են բրազիլական ԶԼՄ-ները:
Բրազիլիայում ազգային տոների շարքում ավելացել է նաև «Պելե արքայի օրը», որը կնշվի նոյեմբերի 19-ին: Այդ օրն ընտրվել է, քանի որ 1969 թվականի նոյեմբերի 19-ին Պելեն խփել է իր 1000-րդ գոլը:
Պելեն համաշխարհային ֆուտբոլի լեգենդ է, ստացել է «ֆուտբոլի արքա» մականունը: Պելեն աշխարհի եռակի չեմպիոն է (1958, 1962, 1970): Լեգենդար ֆուտբոլիստը կյանքից հեռացել է 2022 թվականին:
