Իրանի ԿԲ-ն հայտարարել Է ՌԴ-ի հետ գործարքներում օֆշորային ռիալի մոտալուտ գործարկման մասին
![](https://168.am/wp-content/uploads/2024/06/37b839ee-bac6-46ea-949f-e2c3b4632eed.jpg)
Իրանը մշակում է օֆշորային ռիալի (Իրանի դրամական միավոր) գաղափարը, որը նախատեսում է շուտով գործի դնել Ռուսաստանի հետ ֆինանսական գործարքներում:
Թվային ռիալը հանրային շրջանառության մեջ դնելու նախագծի բացման ժամանակ հայտարարել է Իրանի Կենտրոնական բանկի ղեկավար Մոհամմադ Ֆարզինը:
Տեղեկությունը հայտնում է ՌԻԱ Նովոստին։
Նշենք, որ շաբաթվա սկզբում Իրանի Կենտրոնական բանկի հասարակայնության հետ կապերի բաժինը հայտնել էր, որ Թեհրանը թվային ռիալ է ներդնում հանրային շրջանառության մեջ, հաճախորդները կկարողանան գնումներ կատարել և միջոցներ փոխանցել QR կոդի սկանավորման միջոցով:
Իրանի Կենտրոնական Բանկը սկսել է զբաղվել թվային ռիալի նախագծով երեք տարի առաջ, և 2024 թվականի հունիսի վերջից իրանական երկու բանկերի՝ Mellat-ի և Tejarat-ի մասնակցությամբ այս նախագիծն ակտիվ թեստավորվում է՝ հրապարակային կիրառման հնարավորությամբ։ Հավելենք, որ նախագիծը մեկնարկել է Քիշ կղզուց։