Bugatti-ն ներկայացրել է Chiron-ի վերջին մոդելը

Ֆրանսիական Bugatti մեքենաշինական ընկերությունը հայտարարել է Chiron-ի արտադրության ավարտի մասին՝ ներկայացնելով L’Ultime կոչվող վերջին հիպերքարը: Այն հիմնված է Chiron Super Sport-ի վրա և առանձնանում է հատուկ երանգով:

Հիպերքարի թափքի վրա տպված են այն վայրերի անունները, որոնք խորհրդանշական են դարձել մոդելի պատմության մեջ։

Bugatti Chiron-ը համալրված է W16 8.0 քառատուրբո շարժիչով՝ 1,600 ձիաուժ հզորությամբ (1600 Նմ)։ Chiron Super Sport-ը 100 կմ/ժ արագություն է զարգացնում 2,4 վայրկյանում, իսկ առավելագույն արագությունը 440 կմ/ժ է:

Սպասվում է, որ Chiron մոդելի իրավահաջորդը կլինի հիբրիդային ուժային համակարգով հիպերքարը, որը կունենա V16 8.3 շարժիչ՝ 1800 ձիաուժ հզորությամբ։