Մոսկվան ողջունում է Ալմաթիում Միրզոյան-Բայրամով բանակցությունները. Գալուզին
ՌԴ փոխարտգործնախարար Միխայիլ Գալուզինի բնորոշմամբ, ևս մեկ քայլ է արվել Հարավային Կովկասում հուսալի և երկարաժամկետ խաղաղության և կայունության հասնելու ուղղությամբ։
«Մենք լիովին աջակցում ենք այս ուղղությամբ Աստանայի ջանքերին», – հայտարարել է Գալուզինը՝ շեշտելով․ – «Կարևոր է, որ Ալմաթիում շփումները համահունչ լինեն ամենաբարձր մակարդակով 2020-2022 թթ-ի եռակողմ համաձայնագրերին, որոնք որոշեցին Բաքվի և Երևանի միջև հարաբերությունների կարգավորման ճանապարհային քարտեզը»։
